《去到了对的地方 却遇上错了的人

 

《原创文章 欢迎转载 请列明出处 谢谢》-请支持蓝狮 Facebook专页-《去到了对的地方 却遇上错了的人 按此观看图片 舒尔尼,一个耳熟能详嘅名字,如果你有留意开德国国家队,又或者德甲联赛,对哩个名绝对唔会感到陌生。来来回回,由德甲到英超,再由英超回流到德甲,到今季又再一次黎到英超,同样地加盟伦敦球会,选择效力嘅係富咸。跌跌碰碰,舒尔尼自出道以黎大大话话都效力左六间球会,而睇得出佢嘅职业生涯自第一次离开英超之后一直都走紧下坡。当年效力紧利华古逊嘅佢可以话光芒四射,吸引到时任车路士领队摩连奴嘅目光,将德国人带到黎英超,而果时唔少车路士球迷都对舒尔尼抱着一定期望,毕竟德国人总係以有纪律、效率以及机动性见称。果然,舒尔尼亦的确不负众望,好快带到眼前一亮嘅表现比我地。每当球队面对落后、失分时刻,摩连奴都会委派舒尔尼以后备奇兵嘅身份登场,初黎报到经已为车路士抢番唔少分数。即使无球在脚既时候,舒尔尼亦会配合队友进攻走位,製造埋门机会,而且佢走啲位亦都非常「食脑」,好似永远都走到啲空位咁,令到当时既「派牌王」法比加斯经常都提供到助攻比佢,球队嘅进攻模式更加立体;但舒尔尼并非一名攻守兼备嘅球员,而摩连奴过往都好注重防守迫抢,即使係攻击球员亦需要分担球队防务工作,就因为咁,舒尔尼嘅「热恋期」亦都好快因为状态低迷而消失。仲记唔记得14年世界盃决赛,唯一入球嘅助攻係边个?正正係由舒尔尼所交出,当时戴着世界盃冠军光环以及关键助攻嘅舒尔尼返到黎车路士,表现不但未及上季抢眼,更往往喺关键时候令到球队失波,之后更加因为急于表现自己,浪费左球队唔少入波机会,而防守表现亦未合乎摩连奴嘅标準,可以话攻不锐守不稳,进退失据嘅佢最后好似跌入左一个迷失旋涡咁,最终变成球队收购古亚达度嘅筹码。之后先后效力禾夫斯堡、多蒙特,直到依加既市球会富咸,继续经历跌跌碰碰既足球生涯。在对的地方遇上错的人,如果当初摩连奴无卖走佢,又或者佢唔係跟着摩连奴,今日既情况又会係点呢?不过点都好,望返依加嘅车路士正正缺乏好似舒尔尼哩类型球员,无奈地实在有一点苦在心头既感觉。文章发表时间 : 09/05/2019 15:45文章最后更新时间 : 09/05/2019 15:45《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

上一篇: 下一篇: